Xalqaro huquqshunoslar

To‘garakning maqsadlari: - talabalarning xalqaro ommaviy huquqni chuqurroq o‘rganishga bo‘lgan qiziqishini oshirish; - xalqaro ommaviy huquqning ayrim masalalari bo‘yicha talabalarning ilmiy-tadqiqot faoliyatini rag‘batlantirish; - talabalarga xalqaro ommaviy huquqni o‘rganishda yordam berish; - huquqiy ong va huquqiy madaniyatni rivojlantirish. To‘garakning vazifalari: - xalqaro ommaviy huquqni rivojlantirishning yangi muammolari va zamonaviy tendensiyalarini tadqiq qilish; - turli masalalar bo‘yicha davlatlar o‘rtasidagi xalqaro-huquqiy hamkorlik shakllarini, universal va mintaqaviy xalqaro tashkilotlarning faoliyatini, zamonaviy xalqaro sud amaliyotini va boshqalarni o‘rganish; - ilmiy to‘garak a’zolari uchun seminarlar, munozaralar, davra suhbatlarini tashkil etish va o‘tkazish. To‘garakning tadqiqot faoliyati yo‘nalishlari: - tinchlik va xalqaro xavfsizlikni saqlashning zamonaviy masalalari; - inson huquqlarini himoya qilishning xalqaro mexanizmlari: zamonaviy rivojlanish tendentsiyalari; - xalqaro iqtisodiy huquq va xalqaro iqtisodiy tashkilotlar; - atrof-muhitni xalqaro huquqiy muhofaza qilish; - davlatlar va xalqaro tashkilotlarning xalqaro-huquqiy javobgarligi muammolari; - diplomatik va konsullik immunitetlari va imtiyozlari, diplomatik protokol va diplomatik va konsullik huquqining boshqa masalalari; - xalqaro dengiz, havo va kosmik huquqi; - ilmiy-texnikaviy hamkorlikni xalqaro-huquqiy tartibga solish; - boshqa yo‘nalishlar