Axborot makonida shaxsiy hayot daxlsizligini ta’minlashning konstitutsiyaviy asoslari

Ushbu maqolada axborot makonida shaxsiy hayot daxlsizligini ta’minlashning konstitutsiyaviy asoslari tahlil qilingan. Hozirgi rivojlangan axborot texnologiyalari shaxsiy hayot daxlsizligini ta’minlashning huquqiy, siyosiy, tashkiliy hamda iqtisoiy kafolatlarini takomillashtirish, shaxsiy hayot daxlsizligini ta’minlashning zamonaviy konseptual va metodologik asoslarini rivojlantirish, bunday huquqlarni ta’minlash prinsiplarining yaxlit bir mexanizmini yo‘lga qo‘yish masalalariga tanqidiy-tahliliy baho berish zaruratini keltirib chiqarmoqda. Muallifning fikricha, shaxsiy hayot daxlsizligi huquqi va uning tarkibiy elementlari bir normada qat’iy belgilab berilishi lozim. Aks holda, joriy innovatsion rivojlanish muhitida shaxsiy hayot daxlsizligi tushunchasining dolzarb ahamiyati hamda o‘rni sezilarli darajada bo‘lmay qolishi mumkin. Chunki shaxsiy hayot tushunchasining qonunchilikda shakllanishi hamda uni ta’minlashni huquqiy tartibga solish mexanizm va kafolatlarining belgilanishi bu boradagi ishlar, ayniqsa, “inson qadri” uchun olib borilayotgan islohotlarning mazmuniy davomi bo‘lishiga xizmat qiladi. Maqolada xorijiy mamlakatlarning ilg‘or tajribasi hamda huquqshunos olimlarning davlat boshqaruvi shakliga oid yondashuvlarini tahlil qilgan holda raqamlashtirish sharoitida shaxsiy hayot daxlsizligi huquqi va konstitutsiyaviy-huquqiy tartibga solishning o‘ziga xos xususiyatlarini kompleks tahlil qilish, shaxsiy daxlsizlikka oid O‘zbekiston qonunchiligini takomillashtirish bo‘yicha takliflar ilgari surilgan.