Davlat fuqarolik xizmati lavozimlarini kadrlar bilan ta’minlash mexanizmlari

Maqolada davlat fuqarolik xizmati lavozimlariga kadrlarni qabul qilish mexanizmlari va tartib-taomillari tahlil etilgan. Shuningdek, davlat fuqarolik xizmati lavozimi guruhlariga kadrlarni tayyorlash va tanlash usullari o‘rganilgan. Unga ko‘ra, davlat fuqarolik xizmatiga kirishning ikki xil tartibi ajratib ko‘rsatilgan. Birinchi tartibga ko‘ra, siyosiy guruhga taalluqli davlat fuqarolik xizmatchilarini lavozimga tayinlash va lavozimidan ozod qilish tartibi alohida qonunlar hamda O‘zbekiston Respublikasi Prezidenti qarorlari bilan belgilanadi. Ikkinchi tartibga ko‘ra, boshqaruv va mutaxassis guruhlarga taalluqli davlat fuqarolik xizmati lavozimlariga tanlov o‘tkaziladi. O‘z navbatida, boshqaruv guruhlarga taalluqli davlat fuqarolik xizmati lavozimlariga ichki tanlov, mutaxassis guruhlarga taalluqli davlat fuqarolik xizmati lavozimlariga tashqi tanlov o‘tkaziladi. Maqolada tanlovlarning tartib-taomillari, 2020–2022-yillarda o‘tkazilgan tanlovlarning statistik maʼlumotlari tahlil qilingan. Muallif rahbar kadrlarni shakllantirishning Milliy kadrlar zaxirasi tizimini tadqiq etgan. Milliy kadrlar zaxirasidan foydalanishning samarali mexanizmlari ilgari surilgan. Tadqiqotdan kelib chiqib, davlat fuqarolik xizmatini kadrlar bilan taʼminlash tizimini takomillashtirish yuzasidan bir qancha taklif va tavsiyalar berilgan.