Eksklyuziv blokcheyn va merosxo‘rlik huquqi: raqamli merosni boshqarishda zamonaviy yondashuvlar

Mualliflar mavjud yondashuvlarni, raqamli merosni boshqarishdagi cheklashlar va shu sohada eksklyuziv blokcheyndan foydalanish imkoniyatlarini tahlil qilishgan. Tadqiqot Oʻzbekiston Respublikasi kontekstida raqamli merosni boshqarish masalasiga qaratilgan va axborot texnologiyalarining tez tarqalishi uning ahamiyatini ochib beradi. Qonunchilikning noaniqligi, ularga kirish muammolari va maʼlumotlarni yoʻqotish xavfi tufayli meros qoldirilgan mulklarni boshqarishning anʼanaviy usullari samarasizdir. Eksklyuziv blokcheynni joriy etish maʼlumotlarning ishonchliligini oshirishi, boshqaruvni yaxshilashi, bitimlar shaffofligini taʼminlashi va jarayonlarni soddalashtirishi mumkin. Biroq uni joriy etish texnik cheklovlar va maxfiylik masalalarini hisobga olgan holda qonunchilikni oʻzgartirishni talab etadi. Oʻzbekiston Respublikasi sharoitida meros jarayonlarining ishonchliligini va boshqaruvi qulayligini taʼminlash uchun eksklyuziv blokcheynni qoʻllagan holda raqamli merosga oid maxsus qonun ishlab chiqish taklif etiladi. Tadqiqotdan maqsad blokchеyn texnologiyasidan foydalangan holda raqamli merosni boshqarish sohasidagi qonunchilikni takomillashtirish boʻyicha tavsiyalarni ishlab chiqishdir. Metodologiya mavjud yondashuvlarni tahlil qilish, eksklyuziv blokcheynning salohiyatini oʻrganish va uni qonunchilikka integratsiya qilish imkoniyatlarini baholashdan iborat. Olingan natijalar raqamli merosni boshqarishdagi muammolarni aniqlash va ularni hal qilishning innovatsion yondashuvlarini ishlab chiqishga qaratilgan.