Jamoatchilik kengashlarining norma ijodkorligi jarayoniga ta’siri

Maqolada norma ijodkorligi jarayonida jamoatchilik kengashlarining tutgan roli tahlil etilgan. Ushbu jarayonda ularning qanchalik ta’sir etishi ko‘rsatib o‘tilgan. Jamoatchilik kengashining tarkibi, vazifalari va ularning kengashda tutgan o‘rni o‘rganilgan va amaliy misollar keltirilgan. Bugungi kunda jamoatchilik kengashlarining norma ijodkorligi jarayonida samaradorlikni oshirishda tutgan o‘rni, ular tomonidan berilgan takliflarning inobatga olinishi qay darajada ahamiyatga ega ekanligi tadqiq etilgan. Milliy va xorijiy olimlarning il miy ishlari o‘rganib chiqilgan hamda ulardan iqtiboslar keltirilgan. Shuningdek, maqolada amaliy tajribadan kelib chiqib, tegishli vazirlik, qo‘mita, idora huzuridagi jamoatchilik kengashlarining faoliyati aniqlangan. Ularning tarkibida jamoatchilik kengashlari bor yoki yo‘qligi tadqiqot natijasida ko‘rsatib berilgan. O‘rganishlar asosida qonunchilikni rivojlantirish bo‘yicha taklif va tavsiyalar ishlab chiqilgan.