Qasddan odam o‘ldirishning jinoyat-huquqiy jihatlari

Mazkur maqolada qasddan odam o‘ldirishning jinoyat-huquqiy jihatlari tahlil etilgan bo‘lib, muallif bu masalada olimlarning fikr va mulohazalarini o‘rganib, tegishli taklif hamda tavsiyalar bergan. Bundan tashqari, muallif maqolada O‘zbekiston Respublikasi Jinoyat Kodeksi Maxsus qismining birinchi bo‘limi “Shaxsga qarshi jinoyatlar”, aynan birinchi bobi “Hayotga qarshi qaratilgan jinoyatlar”ning mustahkamlanishi, yana bir bor insonning yashash huquqi kafolatlanganligi haqida so‘z yuritadi. Shuningdek, uning barcha qadriyatlardan ustun ekanligidan dalolat berishi hamda qasddan odam o‘ldirish jinoyatida jinoyat sodir etish usulining ahamiyati va uning o‘ziga xos ijtimoiy xavfliligi, eng ulug‘ ne’mat bo‘lmish hayotdan insonni mahrum etish jamiyatga juda ham katta ziyon yetkazadi, degan fikrni bildiradi. Maqolada qasddan odam o‘ldirish jinoyatining obyektiv va subyektiv belgilariga ham to‘xtalib o‘tilgan bo‘lib, umumiy va bevosita obyektlar farqlangan. Bu yerda qilmishning umumiy obyekti sifatida shaxs, maxsus obyekt sifatida umuman inson hayoti, bevosita obyekt sifatida esa muayyan odamning hayoti amal qilishi o‘z ifodasini topgan. Mazkur maqolada O‘zbekiston Respublikasi Jinoyat kodeksiga odam o‘ldirish tushunchasini kiritish yuzasidan mualliflik taklifi ham berilgan.