Sud hukmining qonuniyligi, asosliligi va adolatliligi

Sud hukmining qonuniyligi, asosliligi va adolatliligi — adolatli sudlovning poydevori bo‘lib, jinoyat protsessining mazmun-mohiyatini belgilovchi asosiy tamoyillardandir. Mazkur monografiya sud hukmini qabul qilishda qonun ustuvorligi, dalillarni baholashning ilmiy-nazariy mezonlari va sudning ichki ishonchi shakllanishiga ta’sir etuvchi omillarni chuqur tadqiq etishga qaratilgan. Asarda sud qarorlarining qonuniy, asosli va adolatli bo‘lishini ta’minlovchi protsessual kafolatlar, sud amaliyotida uchrayotgan tizimli muammolar, shuningdek, xalqaro standartlar bilan uyg‘unlik masalalari keng yoritiladi. Monografiya jinoyat-protsessual huquq sohasi tadqiqotchilari, amaldagi sudyalar, prokurorlar, advokatlar, akademik muhit vakillari hamda sud-huquq islohotlarining nazariy asoslari bilan qiziquvchi o‘quvchilar uchun mo‘ljallangan. Unda sud hukmining huquqiy tabiati, uning mazmunan to‘g‘ri shakllanishi va jamiyatda adolatni ta’minlashdagi o‘rniga doir masalalar kompleks ravishda ko‘rib chiqilgan.