Turizm va migratsiya joriy holat va istiqbol

Maqolada muallif global miqyosda va yurtimizda turizm va migratsiyaning joriy holati, sо‘nggi yillarda mazkur sohalarning rivojlanish tendensiyasi haqida sо‘z yuritgan. Turizm sohasi bilan birgalikda migratsiya, shu jumladan, mehnat migratsiyasini huquqiy tartibga solishning ahamiyati, mazkur sohalarda yagona huquqiy baza hamda yagona huquqni qо‘llash amaliyotini shakllantirish yuzasidan taklif va tavsiyalar berilgan. Turizm va migratsiya sohalarining istiqboldagi rivoji uchun qanday ishlarni amalga oshirish lozimligi yuzasidan fikr-mulohazalar bayon etilgan. Shuningdek, maqolada О‘zbekistonda va dunyoda migratsiyaning joriy holati qiyosiy tahlil qilingan. Global pandemiya va qochoqlar inqirozi tufayli yuzaga kelgan migratsiya inqirozining bugungi kunda ham davom etayotganligi, yangi-yangi urush о‘choqlari va notinchliklar natijasida mavjud ahvol og‘irlashishining iqtisodiy-huquqiy masalalari xususida fikr-mulohazalar keltirilgan. Ayni paytda turizmga migratsiyaning bir turi sifatida yondashilganligi uni umumiy migratsiya bilan bog‘liq holda tahlil qilishga imkon bergan. Migratsiyaning bugungi holati bilan birga uning istiqbollari muhokama qilingan holda, kelajakda yuz berishi mumkin bо‘lgan iqtisodiy holatlar tо‘g‘risida farazlar ilgari surilgan va ularning iqtisodiy-huquqiy yechimlari bо‘yicha fikr bildirilgan.