Virtual dunyo va uning obyektlarining fuqarolik-huquqiy holatini aniqlashning ayrim muammolari

Maqolada virtual dunyo va undagi obyektlarning huquqiy holatini aniqlash muammolari tahlil qilingan. Shuningdek, virtual mulk nazariyasi o‘rganilib, virtual dunyoda yuzaga keladigan munosabatlarni tartibga solish uchun mulk va intellektual mulk huquqlari o‘rtasidagi munosabatlar ochib berilgan. Muallif o‘tkazilgan ilmiy tadqiqotlar asosida intellektual mulk me’yorlaridan foydalanib, virtual dunyoga kirish uchun kompyuter kodlarini yaratish sohasidagi munosabatlarni tartibga solish zarurligi to‘g‘risidagi taklifni ilgari suradi, chunki bu jarayonda inson ijod qiladi va virtual dunyo obyektlariga egalik munosabatlarida mulk huquqi normalaridan foydalanish – domen nomlari, URL manzillari (yagona resurs lokatorlari), veb-saytlar, elektron pochta hisoblari, kripto aktivlar, onlayn multiplayer o‘yinlarida obyektlar (artifaktlar va qo‘shimchalar) ko‘rinishida namoyon bo‘ladi. Muallif O‘zbekiston Respublikasining amaldagi Fuqarolik kodeksini virtual olam obyektlariga nisbatan mulk huquqini tasdiqlovchi virtual mulk toifasi bilan to‘ldirish zarurligi to‘g‘risida taklif ishlab chiqmoqda. Muallif huquqshunos olimlarning virtual mulk maqomi haqidagi nazariy fikrlarini o‘rganib, virtual makondagi munosabatlar intellektual mulk va mulkiy huquqlar bilan tartibga solinishi lozimligi, ikkala institut ham raqobatlashmasligi hamda bir-birini istisno qilmasligi kerakligi, aksincha, virtual makondagi munosabatlar mohiyatidan kelib chiqib tartibga solish lozim, degan xulosaga keladi.