Muddatli mehnat shartnomalarini huquqiy tartibga solishni takomillashtirish

Dissertatsiya mavzusining dolzarbligi va zarurati.
Dunyoda muddatli mehnat shartnomasi asosida ishlashning nostandart bandlik shakli sifatida e’tirof etilganligi ushbu shartnoma turini qo‘llashda ish beruvchilarga to‘laqonli erkinlik berilishiga to‘siqlik qilmoqda. Xalqaro mehnat tashkilotining ma’lumotlariga ko‘ra, 2023-yilda dunyo bo‘yicha ishsizlik darajasi 5,1 foizni tashkil etgan. Jahon mehnat bozorida ishsizlik darajasining kamayishiga muddatli mehnat shartnomasi asosida ishlayotganlar soni ortganligi ham sabab bo‘lgan. 2023-yilda Yevropa Ittifoqining 23,1 million aholisi muddatli ishlarda band bo‘lgan, bu esa 15–64 yoshdagi ish bilan band aholi sonining 16,1 foizini tashkil etgan. Muddatli mehnat shartnomasi asosida ish bilan band bo‘lish ko‘rsatkich o‘sib borayotganligiga qaramasdan, mehnat bozorida vaqtincha xodimlarga bo‘lgan ehtiyoj kamaymayotganligi muddatli mehnat shartnomasini huquqiy tartibga solishni yanada takomillashtirish dolzarb ahamiyat kasb etayotganligini ko‘rsatadi.